По Трамп на ред е јапонскиот премиер

Јапонските медиуми тврдат дека се подготвува средба Абе-Ким

Јапонските власти подготвуваат средба меѓу премиерот Шинзо Абе и лидерот на Северна Кореја Ким Џонг Ун по самитот на Ким и американскиот претседател која се случи неделава во Сингапур, јавуваат денес јапонските медиуми.

Јапонија, која остана на страна за време на интензивните дипломатски активности во последните месеци околу Северна Кореја, сега сака директно да се обрати до властите во Пјонгјанг, особено околу прашањето на јапонските државјани грабнати за време на седумдесеттите и осумдесеттите години во Северна Кореја.

Јапонските власти предвидуваат неколку сценарија, меѓу кои и посета на Абе на Пјонгјанг во август, јавува денес весникот Јомиури шимбун и додава дека е можна средба на маргините на економскиот форум закажан за септември во Русија.

Неколку јапонски медиуми пренесуваат денес дека Ким изразил спремност да се сретне со Абе, додека јапонскиот премиер кажа дека сака директна средба со лидерот на Северна Кореја за грабнатите Јапонци.

„Доколку биде тешко да се организира средба во Пјонгјанг во август, Абе би можел да се сретне со Ким во септември на економскиот форум во Владивосток“, истакнува Јомиури шимбун.

Портпаролот на јапонската влада Хошихиде Суга одби да ги потврди информациите наведувајќи дека сѐ уште ништо не е договорено.

Јапонија тврди дека Северна Кореја грабнала најмалку 17 јапонски државјани во седумдесеттите и осумдесеттите години за да ги обучи своите шпиони на јапонските јазик и култура.

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе

„И, ако милееме ние за својата Татковина, ако во нас има барем капка македонска крв, ако во нас останала искра благороден патриотизам, овојпат треба да се впрегнеме, за да понесеме дел од тежината на едно дело и од жестокото величие на една епоха“.

повеќе