Јапонија не се откажува од рускиот гас

Јапонија ќе го задржи уделот во проектот Сахалин 2 за течен природен гас (ЛНГ) во Русија, бидејќи е клучен за енергетската безбедност, изјави премиерот Фумио Кишида.

Фото: ЕПА

Уделот на Јапонија во проектот, како и други слични инвестиции во Русија, се најдоа под лупа поради кризата во Украина. Бројни западни нафтени и гасни компании најавија повлекување од руските проекти поради руската инвазија на Украина, пренесе Ројтерс.

Јапонија ги заостри санкциите кон Русија, но владата во Токио во повеќе наврати истакна дека рускиот течен гас е клучен за енергетската безбедност на земјата.

„Јапонија има удел во Сахалин 2, кој придонесува за сигурно долгорочно, стабилно и евтино снабдување со ЛНГ. Овој проект е исклучително важен за енергетската безбедност на Јапонија“, рече во четвртокот премиерот Кишида.

„Нашата политика не е повлекување“, рече Кишида, додавајќи дека неговата влада ќе продолжи да бара начини да ја намали зависноста на Јапонија од руските енергетски извори.

Водечките јапонски трговски компании Митсуи и Мицубиши корп поседуваат 12,5 отсто односно 10 отсто од акциите во проектот Сахалин 2. Британско-холандскиот енергетски гигант Шел, кој поседува 27,5 отсто од акциите, најави повлекување.

Русија сочинува четири отсто од увозот на сурова нафта во Јапонија и девет отсто од увозот на ЛНГ и е важен снабдувач со енергија за Јапонија, сиромашна со ресурси, особено по намалената употреба на нуклеарната енергија по несреќата во нуклеарната електрана Фукушима во 2011 година, потсетува Ројтерс.

Легенда под Главна слика

Фото: ЕПА

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе