Јанша разговараше со Џонсон за опасностите од „трети актери“ на Балканот

Словенечкиот премиер Јанез Јанша вчера во Лондон за време на работната посета на Обединетото Кралство се сретна со британскиот премиер Борис Џонсон, со кого разговараше за билатералните односи и за голем број регионални и меѓународни теми.

Фото: ЕПА

Според Даунинг стрит, Џонсон и Јанша разговарале за билатералните односи меѓу двете земји во изминатите 30 години, како и за трговски прашања и за работата на надворешнополитички прашања од заеднички интерес.

Меѓу другото, Џонсон и Јанша „се согласија дека треба да се охрабрат стабилноста и просперитетот на целиот Западен Балкан“, се вели во соопштението на британската влада.

Словенија претседава со Советот на ЕУ овој семестар, а еден од нејзините приоритети е побрзата европска интеграција на земјите од Западен Балкан, меѓу другото и од геополитички причини поради опасноста од зголеменото влијание на „трети“ актери во регионот. Следната недела Словенија организира неформален самит ЕУ-Западен Балкан.

Јанша и Џонсон, исто така, разговарале и за борбата против ковид-19 и за важноста на што е можно поголем обем на вакцинација со цел да се отворат економиите, а се согласиле и за важноста на борбата против дезинформациите што се појавуваат во кампањата за вакцинација.

Во разговорот, Џонсон, исто така, ја изразил „длабоката загриженост“ на британската влада за протоколот за Северна Ирска и „влијанието што го има врз луѓето и заедниците во Северна Ирска“.

Џонсон „ја нагласи потребата ЕУ да се вклучи во наоѓање одржливо решение“ за ова деликатно прашање меѓу Лондон и Брисел, велејќи дека таквото решение нема да го загрози Договорот од Велики петок, со кој бил обезбеден мир во Северна Ирска по годините конфликт.

Јанша и Џонсон разговарале и за голем број надворешнополитички прашања, меѓу кои и „важноста на стабилноста во индо-пацифичкиот регион“.

Во Лондон Јанша се сретнал со новата британска министерка за надворешни работи Лиз Трус и со Жоао Вал де Алмеида, шефот на делегацијата на ЕУ во Обединетото Кралство, и го посетил Британскиот центар за борба против сајбер-нападите.

Легенда под Главна слика

Фото: ЕПА

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе