За да избегнат нови избори

Израелскиот премиер Нетанјаху и ривалот Ганц се согласија да формираат влада на „единство“

Израелскиот премиер Бенјамин Нетанјаху постигна договор со ривалот Бени Ганц за формирање „влада на единство“, со што конечно ќе заврши едногодишниот политички ќор-сокак, јавија израелските медиуми.

Десничарската партија Ликуд на Нетанјаху и центристичката либерална партија Сино и бело на Ганц соопштија дека постигнале договор за единство по изборите во септември и во март, на кои ниту една партија не освои доволно големо мнозинство за да формира влада.

Според израелските медиуми, Нетанјаху и Ганц ќе ја вршат позицијата премиер на ротирачка основа. Нетанјаху ќе служи како премиер првите 18 месеци, а потоа Ганц ќе го преземе кормилото наредните 18 месеци.

Двата шефа на партии минатиот месец почнаа разговори за формирање влада, потег што многумина од поддржувачите на Ганц го сметаа за предавство. Водачот на Сино и бело, наводно, во понеделникот наутро имал двочасовна средба со Нетанјаху, во последниот обид да се постигне договор. Додека премиерот со недели го туркаше концептот формирање национална влада за вонредни состојби, Ганц се колебаше за идејата.

Израелскиот претседател Реувен Ривлин минатата недела му ја даде задачата за формирање нова влада на Кнесетот (парламентот), што значеше дека секој пратеник што може да собере 61 потписник може да формира коалициска влада. Ако не се постигнеше договор, Израел ќе се соочеше со уште едни избори за околу 90 дена.

Згора на тоа, Нетанјаху се соочува со повеќе судски случаи на поткуп и измама, при што се очекува неговото судење да почне на 24 мај. Ганц и другите критичари на сегашниот премиер го обвинија дека се обидува да ја искористи кризата со ковид-19 за да го одложи судењето, кое беше првично закажано за 17 март.

На 2 Август 2021 година ќе се одбележат два значајни настана од историјата на македонскиот народ.

повеќе

Албанскaта политичка и научна јавност имаат објективен пристап и разбирање дека прашањата што се на масата за разговори со Бугарија не се воопшто лесни за решавање.

повеќе

Половични регионални форми на соработка и здружување се опасни за Македонија.

повеќе