Израелски министер: Нема да ѝ испраќаме оружје на Украина и тој став нема да се смени

Откако израелскиот министер за правосудство Нахман Шаи кажа дека е крајно време Израел со оружје да ѝ помогне на Украина, а неговата изјава ги изненади членовите на владата, израелскиот министер за дијаспора Гидеон Саар кажа дека нема да има никаква воена помош за Украина, пренесуваат израелските медиуми.

EPA-EFE

„Нашата поддршка на Украина не вклучува и нема да вклучува испраќање какво било вооружување. Тој став нема да се смени“, кажа Саар за израелското воено радио еден ден откако израелската влада одбила телефонски разговор на украинскиот и израелскиот министер за одбрана.

Шаи во неделата кажа дека Израел мора да ѝ помогне на Украина бидејќи Иран ѝ испраќа на Русија балистички проектили. Иран тие тврдења ги демантираше, а поранешниот руски претседател Дмитриј Медведев кажа дека испраќањето оружје на Украина би ги уништило дипломатските односи на Израел и Русија.

Киев веќе подолго време бара Израел да му испрати систем за противвоздушна одбрана, а украинскиот претседател Володимир Зеленски минатиот месец на француски новинари им кажа дека е шокиран од одбивањата на Тел Авив. Шефот на украинската дипломатија Дмитро Кулеба изјави вчера дека владата повторно од Израел ќе бара вооружување, а израелските медиуми пишуваат дека средба или разговор би можел да се случи во четврток.

Легенда под Главна слика

EPA-EFE

Светска банка проценува дека за секој долар инвестиран во здравството, државата има бенефит од 4 долари во смисла на зголемена економска продуктивност.

повеќе

Провокација е именувањето на бугарските клубови „Борис III“ и „Ванчо Михајлов“. Не можеа ли да бидат со имињата Елин Пелин, Димчо Дебељанов, Черноризец Храбар или Иван Вазов?

повеќе

Слоганот на македонското претседателство со ОБСЕ е “It’s About People” и затоа ќе е доблесно МНР да побара помош и поддршка за да си ги заштити националните интереси, интегритетот, суверенитетот, јазикот и идентитетот.

повеќе