Израелски авиони ја нападнаа Газа, им вратија за ракетирањето (ФОТО)

Израелски авиони нападнаа рано утринава неколку цели во Појасот Газа откако палестински екстремисти испукаа синоќа две ракети во правец на јужен Израел.

EPA-EFE

Гаѓани се, меѓу другото, и погон за производство на ракети и пунктови за обука кои му припаѓаат на Хамас, екстремистичката организација која владее со Газа, соопшти израелската војска.

Палестинските медиуми јавија дека на истокот на Газа Сити се искршени прозорци, а нема извештаи за жртви.

Во петокот вечерта беа испукани ракети на израелскиот град Ашкелон на брегот на Средоземното Море, но ги пресретна израелската противвоздушна одбрана и ниедна организација не презема одговорност за ракетирањето со кое е прекинато повеќемесечното затишје.

Ракетните напади и израелската артилериска и воздушна одмазда се чести, но поприлично проретчија во последните месеци поради пандемијата на коронавирусот на двете страни.

Хамас три пати војуваше со Израел, а помали конфликти има безброј.

Исламистичката организација сега главно го почитува неофицијалниот прекин на огнот со Израел.

Хамас, меѓутоа, го обвинува Израел дека не ги почитува обврските врз основа на примирјето кои вклучуваат ублажување на парализирачката блокада на палестинската енклава и дозвола да почнат големи инфраструктурни проекти.

Легенда под Главна слика

EPA-EFE

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе