Израелската војска се подготвува за акција против Иран

Началникот на генералштабот на оружените сили на Израел Авив Кохави изјави дека наредил да се забрзаат подготовките за можна офанзивна акција против Иран.

EPA-EFE

Тој ја предупредил администрацијата на претседателот на САД Џо Бајден да не се враќа во нуклеарниот договор со Иран од 2015 година.

Израел остро се противи на тој договор со кој се ограничува иранската нуклеарна програма во замена за ублажување на острите економски санкции, тврдејќи дека не го спречува Иран да развие нуклеарно оружје.

Израелските лидери го поздравија повлекувањето на администрацијата на Доналд Трамп, претходникот на Бајден, од договорот во 2018 година.

Бајден најави дека ќе го заживее договорот со одредени измени, а генерал-потполковникот Кохави оцени дека тоа е „лошо и оперативно и стратегиски“.

„Да му се дозволи на Иран да ја продолжи нуклеарната програма би била неприфатлива закана и би довело до ширење на нуклеарното оружје во целиот регион“, оцени Кохави.

Техеран тврди дека нуклеарната програма служи исклучиво за мирнодопски цели.

Кохави кажа, имајќи ја превид заканата која ја претставува Исламска Република Иран, дека израелската војска ќе биде спремна самата да ја нападне ако е потребно.

„Ѝ дадов инструкции на војската да подготви повеќе оперативни планови покрај постоечките. Водиме сметка за тие планови и ќе ги развиеме во следната година. За нивното спроведување нормално одлучуваат политичките лидери. Но, тие планови мора да бидат спремни“, кажа командантот на израелската војска.

Само неколку часа пред да зборува Кохави за тоа во Институтот за национални безбедносни студии, Иран го повика Бајден да го врати Вашингтон во нуклеарниот договор, предупредувајќи дека таквата можност нема долго да постои, според портпаролот на иранската влада Али Рабиеи.

Израелските функционери, вклучувајќи го Кохави, велат дека Иран е во многу послаба позиција отколку во 2015, поради санкциите кои ги воведе администрацијата на Трамп, и дека новиот договор би морал да ја опфаќа и иранската ракетна програма за проектили со долг дострел како и поддршката на непријателите на Израел низ регионот.

Иранските ракети имаат дострел од 2.000 километри што е доволно да стигнат до Израел и до американските бази во регионот.

Легенда под Главна слика

EPA-EFE

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе