Израелската војска нападна цели во Газа како одговор на ракета испукана од палестинската територија (ВИДЕО)

Израелската војска нападнала рано утринава цели во појасот Газа како одговор на ракета испукана неколку часа претходно од палестинската територија со која владее исламистичката организација Хамас.

EPA-EFE

Тоа е првата ракета испукана по речиси четири месеци затишје, едно од најдолгите на границата на Газа, јавуваат израелските медиуми.

Како што е наведено во военото соопштение нападните се повеќе цели во појасот Газа, вклучувајќи место каде Хамас произведува оружје.

Медиуми поврзани со Хамас јавија дека се гаѓани цели западно од Кан Јунис на југот на појасот Газа.

Очевидци и безбедносните сили во Газа кажале дека немало повредени во воздушните напади.

Израелската војска соопшти дека го смета Хамас за одговорен за она што се случува во појасот Газа.

Портпаролот на Хамас Хазем Касам оцени дека „ционистичкото бомбардирање на некои празни места“ е обид да се спречи одбраната на Ерусалим, и дека противвоздушната одбрана им се спротивставила на израелските борбени авиони и дека за првпат биле користени ракети земја-воздух.

Ракетата испукана на Израел во понеделникот ја пресретнал одбранбениот систем Железна купола, а нема извештаи за повредени.

Премиерот на Израел Нафтали Бенет се сретна со министерот за одбрана Бени Ганц и началникот на генералштабот Авив Кохави за да разгледаат можен одговор.

Нападот се случи во време на ескалација на тензиите меѓу двата народи по насилствата од страна на израелските безбедносни сили во Стариот град Ерусалим и низата смртоносни терористички напади на Палестинците во Израел, во кои загинаа 14 луѓе и потерата на израелската војска по соучесниците на напаѓачите.

Одговорноста за ракетирањето не ја презема веднаш ниедна организација, а израелскиот јавен сервис Кан, повикувајќи се на палестински извори, јави дека зад нападот стои групата Исламски џихад.

Хамас по ракетирањето преку египетски посредници им порача на израелските власти дека не е заинтересиран за понатамошна ескалација, ниту е одговорен за нападот.

Легенда под Главна слика

EPA-EFE

Потписниците на нотарските изјави дека нема да гласаат за измените на Уставот се подложни на промени за материјално благо.

 

повеќе

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе