Израел започна да уништува палестински домови во близина на сепарацискиот ѕид (ВИДЕО)

Стотици израелски војници, придружени со булдожери започнаа да демолираат домови во палестинското село Сур Бахер, наспроти палестинските протести и меѓународните критики.

Жителите на селото во населбата Вади ал-Хумус за локалните медиуми денес објавија дека цел се 16 станбени објекти, во кои има околу 100 станови.

Израелската војска ги смета за безбедносен ризик домовите кои се во близина на израелскиот сепарациски ѕид кој поминува преку окупираниот Западен Брег, а локално од страна на Палестинците се нарекува „апартхејд ѕид“.

Израелскиот Врховен суд минатиот месец пресуди во корист на војската и го одреди понеделник за краен рок за уривање на домовите - чин кој Палестинците велат дека ќе постави преседан за другите градови долж трасата на бариерата, која се простира стотици километри околу и преку окупираниот Западен Брег.

Репортерот за Ал Џезира Роб Матесон известувајќи од областа на демолирање рече дека израелската акција претставува „многу мрачен и тажен ден“ за палестинските жители.

Два месеци по недобивањето датум за преговори за членство на Македонија во ЕУ, малку знаеме која беше улогата на Бугарија во тоа.

повеќе

И покрај сите обиди, темата „Закон за јазиците" не „лепи".

повеќе

Дали ние, луѓето, сакаме да продолжиме да живееме добро и безбедно на оваа планета?

повеќе