Како одговор на ракетнот напад

Израел погоди 100 „терористички цели“ во Газа

Израелски авиони и хеликоптери во текот на ноќта погодија околу 100 цели поврзани со Хамас во Газа, соопшти израелската војска. Воздушните напади се спроведени како одговор на ракетите лансирани од Газа на Тел Авив.

Според војската меѓу погодените цели се и штабот на Хамас во областа Рима во центарот на Газа, локацијата за производство на ракети и полигонот за обука на милитанти.

Воздушните напади се изведени во знак на одмазда за ракетите лансирани од Газа на израелска територија, кон Тел Авив. Од првите две ракети едната е пресретната и уништена од страна на израелскиот систем за ракетна одбрана Железна купола.

„Терористичката група Хамас носи одговорност за сè што се случува во и надвор од Газа“, соопшти ИДФ.

По нападот на ИДФ во Газа, Хамас денес испали уште две ракети кон Израел, и двете беа, исто така, уништени во воздух, објавија воените сили.

Сирени за предупредување за воздушен напад се слушнале во градот Сдерот и општината Шаар Ханегев во близина на границата со Газа.

Апелирам до лидерите на партиите да не им „помагаат" на кандидатите.

повеќе

Во ерата во која сите напредни земји во светот престануваат со употреба на фосилни горива, ние отвораме нови наоѓалишта, наоѓаме оправдување за исцрпување на необновливите ресурси и за активирање на најголемата глобална закана за морската биолошка разновидност.

повеќе

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе