Израел нападна цели кај Дамаск (ВИДЕО)

Израелските воени авиони извршија воздушни напади во близина на Дамаск, при што се повредени осум војници, јавуваат сириските државни медиуми.

Опозициската набљудувачка група наведе дека се гаѓани воени позиции, како и борци поддржани од Иран, и дека се убиени 12 лица.

Државната новинска агенција САНА објави дека сириската противвоздушна одбрана соборила поголем дел од ракетите во предградие на главниот град и на југот на земјата пред тие да стигнат до своите цели.

Се вели и дека израелските воени авиони испукале ракети додека летале над Голанската висорамнина, која е под окупација од Израел, и соседен Либан.

САНА се повика на неименуван воен функционер, кој рекол дека осум војници се повредени во воздушните напади, додавајќи дека е предизвикана и материјална штета.

Сириската опсерваторија за човекови права со седиште во Велика Британија, која ја следи сириската војна преку мрежа на активисти на теренот, рече дека нападот се случил по полноќ и дека се погодени воени позиции и членови на милиција поддржана од Иран западно и јужно од главниот град, како и воената база Мазех во Дамаск.

Опсерваторијата тврди дека голем број ракети удриле на многу позиции во овие области и предизвикале пожар во Центарот за научни истражувања во предградието на Дамаск Џамраи.

Загинале 12 сириски и несириски борци поддржани од Иран во јужното село Изра и во предградието на Дамаск Кисве на југ. 

Израел не ги коментираше овие напади, но призна дека извршил стотици напади во Сирија последниве години за да го запре иранското „воено вкопување“.

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе