Израел го избрка турскиот конзул од Ерусалим

Израел вчера му наложи на генералниот конзул на Турција во Ерусалим да ја напушти земјата во екот на дипломатската криза што настана меѓу двете земји еден ден по смртта на неколку десетици Палестинци на протестот во Појасот Газа.

„Израелското Министерство за надворешни работи го повика турскиот конзул и побара од него да се врати во својата земја на некое време“, се наведува во соопштението.

Генералниот конзул на Турција во Ерусалим ги застапува дипломатските интереси на Палестинците, додека турската амбасада во Израел се наоѓа во Тел Авив.

Турција вчера побара од израелскиот амбасадор во Анкара привремено да ја напушти земјата во знак на протест поради смртта на Палестинците, а завчера го отповика својот амбасадор во Тел Авив.

Турција жестоко ја осуди одлуката за преместување на американската амбасада од Тел Авив во Ерусалим, како и израелската употреба на сила врз Палестинците.

Најмалку 59 Палестинци вчера се убиени и 1.200 се ранети за време на протестот во Газа, главно со куршуми од снајпери. 

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе