Убиени девет борци

Израел ги извршил „најсмртоносните воздушни напади“ во Сирија од почетокот на 2022

Израелските воздушни напади во близина на Дамаск на 27 април, во кои се убиени девет борци, меѓу кои пет сириски војници, се најсмртоносните напади на Израел од почетокот на 2022 година, наведува Сириската опсерваторија за човекови права.

EPA-EFE

Невладината организација со седиште во Лондон соопшти дека меѓу метите на нападите биле магацин за муниција и неколку воени позиции поврзани со иранското воено присуство во Сирија.

Владини медиуми во Сирија потврдија пет жртви во воздушните напади, кои Израел традиционално не ги коментира.

„Израелскиот непријател изврши воздушен напад во зората погодувајќи неколку позиции околу Дамаск“, ги пренесува државната агенција САНА зборовите на сириски воен извор.

„Истрагата покажа дека пет војници се убиени, тројца се ранети и направена е материјална штета“, кажал изворот.

Последниот напад следи по нападот во близина на Дамаск на 14 април, без цивилни жртви, пишува САНА.

Сириската опсерваторија за човекови права ги добива информациите од голема мрежа извори од секој регион во Сирија.

Четворица од убиените не се припадници на сириската војска, туку членови на милиција поддржана од Техеран, соопшти шефот на Опсерваторијата Рами Абдел Рахман, додавајќи дека не може да ја потврди нивната националност.

Кажа дека во последниот израелски напад биле нападнати најмалку пет пзоиции.

Легенда под Главна слика

EPA-EFE

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе