Според извештајот на сириската државна агенција САНА, која се повикува на воени извори, нападот во близинанна селото Хадер, кое се наоѓа во пограничниот појас на Голанската висорамнина, предизвикал само материјална штета.
Неколку часа претходно израелските сили урнале сириско беспилотно летало кое го надгледувало пограничниот појас и влегло во израелскиот воздушен простор на Голанската висорамнина.
Earlier tonight, Wednesday July 11th, the IDF targeted three military posts in Syria in response to the infiltration of the Syrian UAV into Israel that was intercepted by the IDF earlier today pic.twitter.com/BvaEOfHNDv
— IDF (@IDFSpokesperson) July 11, 2018
Footage of the Patriot missile intercepting the Syrian UAV that infiltrated Israeli territory today pic.twitter.com/g5MnjZLdyl
— IDF (@IDFSpokesperson) July 11, 2018
Вчера израелскиот премиер Бенјамин Нетанјаху на средбата со рускиот претседател Владимир Путин порача дека „Израел не е закана за сирискиот претседател Башар ал Асад“ и побара од Москва да ги тргне иранските сили од Сирија.
„Нема да преземаме акции против режимот на Асад, а вие тргнете ги Иранците“, ги пренесе неименуван висок ирански функционер зборовите на Нетанјаху упатени до рускиот претседател Путин за време на средбата во Москва.
Москва предложила да бидат распоредени на 80 километри од границата и не се согласи на целосно заминување, пренесе истиот извор.
Русија веќе работи на тоа иранските сили да се повлечат од областа на Сирија во близина на Голанската висорамнина, која Израел ја окупираше во 1967 година за време на воените конфликти на Блискиот Исток.
