Израел бомбардираше локација на Хамас во Газа (ВИДЕО)

Израелски борбен авион бомбардираше локација на Хамас во Појасот Газа како одговор на запалливите балони пуштени од палестинската енклава, објави израелската војска.

EPA-EFE

Хамас го потврди нападот врз една од нивните локации. Израелската војска објави дека погодила фабрика за оружје на Хамас. Засега нема извештај за жртви.

Борбите на Израел и Хамас траеја 11 дена во мај, а од прекинот на огнот на 21 мај Палестинците повремено пуштаат балони наполнети со запалливи материјали преку границата и предизвикуваат пожари во Израел.

Палестинците тврдат дека целта им е да го притиснат Израел да ги ублажи ограничувањтаа за крајбрежната енклава, кои беа заострени за време на војната во мај.

Пуштањето на балоните се намали откако Израел минатата недела ублажи некои ограничувања во Газа. Но во четвртокот од Газа повторно беа пуштени балони, кои предизвикаа најмалку четири пожари во близина на израелските градови долж границата.

„Како одговор на запалливите балони испукани кон израелската територија денес борбени авиони на ИДФ погодија фабрика за оружје која му припаѓа на Хамас“, соопштија Израелските одбранбени сили.

Портпаролот на Хамас Фавзи Бархум го опиша израелскиот напад како „разметлива реакција“ и кажа дека Палестинците „вршат притисок (врз Израел), присилувајќи го да ги почитува правата на народот и да отстапи од неправедните позиции“.

Египет и Обединетите нации ги засилија посредничките напори поради израелските напади и запалливите балони од Газа, иако инцидентите не доведоа до поголема ескалација на судирот.

Најмалку 250 Палестинци и 13 лица во Израел беа убиени во борбите во мај, кога милитантите на Хамас ги ракетираа израелските градови, а Израел вршеше воздушни напади врз крајбрежната енклава.

Легенда под Главна слика

EPA-EFE

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе