Изетбеговиќ: Не сум непријател на српскиот народ

Претседателот на босанската Партија за демократска акција (СДА) Бакир Изетбеговиќ изјави денес дека тој не е непријател на српскиот народ, но е на шовинистичката и ксенофобна политика.

EPA-EFE

Изетбеговиќ кажа дека навикнал политичарите од Србија и Република Српска да ги извртуваат и погрешно толкуваат неговите изјави и сакаат да го претстават како непријател на целиот српски народ.

„Очигледното истото ќе го направат со мојот последен повик да се престане со поддршката на ксенофобната, шовинистичка и ретроградна политика која ја води Милорад Додик, а која е насочена против државата Босна и Херцеговина, Бошњаците, но и Србите кои не ги поддржуваат неговите ставови. Реакциите кои следеа, имињата на лицата и начинот на кој реагираат, потврдуваат дека сум ја кажал вистината“, истакна Изетбеговиќ.

Тој ги повика српските лидери, а пред сè Милорад Додик да го признаат геноцидот во Сребреница и да се извинат во име на српскиот народ, како и да престане праксата на величење на осудените воени злосторници, кои се слават како херои.

Оваа реакција на Изетбеговиќ следува откако Додик кажа дека Изетбеговиќ им должи извинување на Србија и српскиот народ.

Претходно Изетбеговиќ изјави дека Србите се лош народ, како и дека Србија има долг кон Босна и Херцеговина.

Легенда под Главна слика

EPA-EFE

Да бидеме реални: регионот на многу начини сè уште е претежно (погрешно) разбран и (погрешно) третиран и меѓународно се нарекува „бурето барут на Европа“.

повеќе

Јане бил свесен дека деновите му се одброени и отворено говорел за тоа. Знаел дека многумина имаат причина да го ликвидираат, дека им пречи во остварувањето на нивните „повисоки цели“.

повеќе

Во македонскиот интернет простор постојано се појавуваат и гаснат портали, со што засекогаш исчезнуваат и објавените содржини.

повеќе