Бошњачкиот член на претседателството на БиХ

Изетбеговиќ: Ќе ја признаеме независноста на Косово

Бошњачкиот член на претседателството на БиХ Бакир Изетбеговиќ е незадоволен од позицијата на Санџак и тврди дека Босна и Херцеговина ќе ја признае еднострано прогласената косовска независност, што, според него, и досега требало да го направи.

„Што се однесува до мене, досега Косово требаше да биде признаено. Сега ќе се налутат нашите колеги, а нашите обиди тоа да се случи само донесоа проблеми во самата БиХ, а не му помогнаа на Косово“, кажа Изетбеговиќ за Дојче веле.

На директното прашање дали БиХ ќе ја признае косовската независност, Изетбеговиќ кратко кажа: „Да“.

Лидерот на Бошњаците во БиХ вели дека сега е во добри политички односи со сите политички лидери во Санџак, но, како што истакна, не е задоволен со позицијата на тој регион во Србија, кој е главно населен со Бошњаци.

Тој тврди и дека не е „играч“ на Ердоган и дека го интересира само односот на претседателот на Турција кон БиХ и муслиманите. Тој, како што истакна, нема намера да се меша во односите на Ердоган и Меркел и не сака да коментира колку се длабоки чистките кои турскиот претседател ги спроведува против пучистите.

„Колку се длабоки тие чистки јас не знам. Факт е дека тие се обидоа да го убијат Ердоган. И тоа не сакам да го коментирам. Мене ме интересира односот на Ердоган кон БиХ и муслиманите“, изјави лидерот на Бошњаците во БиХ.

На прашањето дали пријателството со Ердоган може да влијае турскиот претседател од Владимир Путин да побара да влијае врз Република Српска и дали Русите ќе можат да го спречат влегувањето на БиХ во НАТО, Изетбеговиќ вели дека тоа зависи од силата на Русија, која е во подем.

„Русија е пресилна за лесно да ѝ кажуваме тешки зборови. (Милорад) Додик очигледно сака да биде нејзин „играч“ и ѝ се додворува за тоа да го спречи“, кажа Изетбеговиќ.

Сепак, тој смета дека Русија не може да ги победи силите како ЕУ и НАТО, а патот на БиХ е европски.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе