Изетбеговиќ: Ентитет не може да нареди воена неутралност

Претседателот на босанската Паетија за демократска акција (СДА) Бакир Изетбеговиќ кажа денес во Мостар дека партијата не може да си дозволи ентитет на државата да ѝ нареди воена неутралност.

Делегација на највлијателната бошњачка Партија за демократска акција на Изетбеговиќ и претставници на Хрватската демократска заедница на Драган Човиќ, ќе разговараат за формирање на власта на ниво на државата и ентитетите, повеќе од една година по изборите.

Изетбеговиќ пред средбата на новинарите им кажа дека, кога станува збор за Советот на министри на БиХ, крајно време е да почне да се почитуваат уставот на БиХ, законите и усвоените стратегии кои се однесуваат на НАТО.

Тоа, како што кажа, подразбира примена на договорите кои претходно ги потпишал со претседателот на ХДЗ БиХ Драган Човиќ и претседателот на СНСД Милорад Додик.

„Не можеме да дозволиме ентитет на државата да ѝ нареди воена неутралност“, порача Изетбеговиќ.

Тој додаде дека СНСД има свои пратеници и делегати во парламентарното собрание на БИХ и дека можат преку нив да бараат повлекување на одредени одлуки или измени на законите, но дека ентитетот, како што истакна, нема да ѝ одредува на државата воена неутралност.

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе