Италијанскиот парламент изгласа дека Турците извршиле геноцид врз Ерменците

Долниот дом на италијанскиот парламент вчера го усвои предлогот со кој бара од владата официјално да го признае турскиот геноцид врз Ерменците.

Предлогот е усвоен со 382 гласа за, никој не беше против а само 43 пратеници беа воздржани, и тоа од опозициската конзервативна партија на поранешниот премиер Силвио Берлускони.

По усвојувањето на предлогот, пратениците аплаудираа.

Владата, која нема заземено позиција околу предлогот, би требало да го прифати предлогот на парламентот, но нема законска обврска.

Во понеделникот Турција го повика италијанскиот амбасадор во Анкара за да „изрази жалење“ поради предлогот и побара објаснување на италијанската позиција, наведува агенцијата АНСА повикувајќи се на дипломатски извори.

Турција упорно го отфрла користењето на терминот геноцид за опишување на масовното протерување и убивање на 1,5 милиони Ерменци во Османлиското царство, кое Турција го наследи како држава.

Анкара тврди дека меѓу 300 и 500 илјади Ерменци загинале и тврди дека тоа било галвно резултат на немирите за време на Првата светска војна и дека тие случувања не можат да бидат наречени геноцид.

Неколку парламенти, вклучувајќи ги францускиот и германскиот, официјално ги прогласија убиствата на Ерменците во 1915/1916 за геноцид.

Папата Франциско во 2015 година на миса во базиликата Свети Петар зборуваше за ерменскиот геноцид како „прв геноцид во 20 век“.

Од една страна, Уставот му доделува бројни функции, а од друга страна, скржаво ги определува средствата за нивно остварување на практичен план.

повеќе

Напредокот и оптимизмот што ги обележаа децениите по 2. Светска војна се гледаа во создавањето на средната класа, составена од луѓе што, иако родени во куќи со земјени подови, завршија со факултетски дипломи и добри работни места во големите градови. Поседуваа автомобили и викендички, летуваа на море и патуваа во странство без визи.

повеќе

Најголемиот предизвик на секоја земја е развојот и одржувањето на здрава популација.

повеќе