Италија вторпат во една недела ги заострува мерките за да ја забави заразата

Италијанската влада продолжи да ги заострува ограничувањата во обид да го запре повторното појавување на заразени од вирусот, па денеска ги забрани неформалните аматерски контактни спортови, забавите и училишните патувања.

Фото: ЕПА

Уредбата, потпишана од италијанскиот премиер Џузепе Конте, претставува втор сет мерки за помалку од една недела, додека вториот бран на коронавирусот, кој се чинеше дека ја погоди Италија поблаго од другите европски земји, сега се засилува, со нови 4.619 случаи регистрирани во понеделникот.

Новата уредба воведува општа забрана за забави и препорачува приватните собири во домовите да бидат ограничени на не повеќе од шест лица. Исто така, се поставува ограничување од 30 гости за верски или граѓански церемонии. За да сe избегне гужва, Конте исто така им нареди на рестораните, баровите и сладоледџилниците по 21 часот да престанат да им служат на клиенти што не седат на маса.

Додека спортските контакти, како што се фудбалот или кошарката, сега се забранети во неформален контекст, тренинзите и натпреварите организирани од клубовите сè уште се дозволени.

Италија сè уште е во подобра позиција во споредба со земјите како што се Шпанија или Франција, и додека бројот на дневните новозаразени е сличен на оние во Италија во текот на пролетта, бројот на смртните случаи и на пациентите на одделите за интензивна нега останува помал. Но во Италија, прва и една од најпогодените земји во Европа, нивото на подготвеност и стравот од нова блокада остануваат високи.

„Јас би исклучил нова блокада“, им рече Конте на новинарите во понеделникот. „Ние фокусирано работевме за да спречиме нов општ карантин“.

Легенда под Главна слика

Фото: ЕПА

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе