Италија ги забранува фашистичките и нацистичките симболи, казната е затвор

Претставничкиот дом на италијанскиот парламент вчера доцна вечерта го усвои законот со кој се забранува јавно прикажување фашистички и нацистички симболи, по низата инциденти во земјата.

Законот предвидува затворска казна од шест месеци до три години за фашистички или нацистички поздрави и салутирања, продавање фашистички и нацистички сувенири и ширење таква пропаганда по интернет.

За да стапи на сила треба уште да го потврди Сенатот.

Законот во долниот дом на италијанскиот парламент е усвоен по низата инциденти низ земјата. Во една слаткарница во јужна Италија се појави Хитлеров колач и се рекламираше во излогот, додека неофашистичката партија Форца нуова се подготвува за прослава на 95-годишнината на Маршот на Рим на фашистите на Мусолини.

Автор на законот е Емануеле Фијано, пратеник на владејачката Демократска партија, кој смета дека Италија, по примерот на Германија, треба построго да се постави кон порастот на фашистичката и нацистичката носталгија.

Фијано во интервју за италијански медиуми кажа дека постоела италијанска фејсбук страница, во меѓувреме изгасена, на која биле објавувани антисемитските говори на нацистичкиот министер за пропаганда Јозеф Гебелс, а имала 45.000 следбеници.

Десната опозиција, вклучувајќи ја и партијата Форца Италија на поранешниот премиер Силвио Берлускони, се противи на законот со објаснување дека е закана за слободата на говорот. Популистичкото движење Пет ѕвезди е исто така против, тврдејќи дека е подобро да се предложат построги закони против говорот на омраза.

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе