Поради градежни работи

Италија и Германија бесни, Фајзер доцни со испораката на вакцините

Италија планира во наредните денови да преземе правни дејства против американски „Фајзер“ поради доцнење во испораката на вакцините против коронавирусот, најави шефот на италијанскиот кризен штаб Доменико Аркури. Германскиот министер за здравство, пак, го критикуваше Фајзер дека предоцна ги известил за привременото намалување на испораките на вакцини, додека ги надградува своите фабрички капацитети.

Фото: ЕПА

„За заштитата на здравјето на италијанските граѓани не може да се преговара“, предупреди Аркури.

Тој додаде дека „кампањата за вакцинација не може да се забави, а уште помалку давањето втора доза на многу Италијанци што веќе ја примиле првата“ доза од вакцината на Фајзер.

Фајзер и германскиот партнер Бионтек во петокот неочекувано објавија дека нема да можат да го обезбедат количеството на вакцини за кое се обврзале, што предизвика гнев кај европските земји, кои веќе се критикувани поради бавноста на кампањата за вакцинација.

Лабораториите утредента уверија дека имаат „план“ да го ограничат одложувањето на испораките на вакцините на една недела.

Сепак, Аркури рече дека Фајзер го известил Рим за понатамошно одложување на испораката на вакцините.

И министерот за здравство на Германија го критикуваше Фајзер дека предоцна ги известил за привременото намалување на испораките на вакцини, додека ги надградува своите фабрички капацитети.

Говорејќи во средата, министерот за здравство Јенс Шпан рече дека одлуката на Фајзер и нејзиниот германски партнер Бионтек е „вознемирувачка“, додавајќи дека овој потег го отежнил планирањето на кампањата за вакцини во Германија.
 
„Можеме да вакцинираме само со доставеното“, рече Шпан.
 
Минатиот петок Фајзер ја извести Европската Унија дека привремено ќе ги намали испораките на вакцината против ковид-19 додека компанијата врши градежни работи во својата фабрика во белгискиот град Пурс. 

Легенда под Главна слика

Фото: ЕПА

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе