Италија бара 60.000 доброволци кои ќе ги надгледуваат мерките за физичка дистанца

Италија планира на улиците да испрати околу 60.000 доброволци кои би внимавале на одржување на правилата за физичка дистанца и да ги предупредуваат луѓето да ја почитуваат оваа мерка за превенција од пандемијата на коронавирус во фаза на укинување на карантинот и олеснување на рестриктивните мерки.

Фото: ЕПА

Министерот за регионални работи Франческо Боча го најави ваквиот план поради зголемените стравувања дека луѓето не се придржуваат до мерката за дистанца и опасно се приближуваат едни до други на плажите, во баровите и на јавните плоштади.

Волонтерите внимателно ќе набљудуваат, „но исто така ќе промовираат добро однесување“, изјави денес градоначалникот на Бари и претседател на Здружението на италијански градови Антонио Декаро за Ла Република.

Министерот Боча најави дека волонтерите ќе делуваат под името „цивилни помошници“ и ќе носат сини маици. „Тие ќе бидат опремени со моќ на убедување, аргументи и насмевка“, рече министерот.

Повикот за како волонтери/помошници приоритетно ќе им биде упатен на невработените и корисниците на социјални примања, а ќе биде објавен во текот на неделата од страна на Агенцијата за цивилна заштита, наведе Боча на Фејсбук.

Италија беше силно погодена од пандемијата на коронавирус, доживувајќи го врвот на епидемијата во март, по што бројот на заразени со недели опаѓаше, а наметнатиот карантин во земјата практично е завршен на 18 мај.

Во интервју за миланска Ла Стампа, Боча рече дека владата го користи принципот награда и казна, кој „функционира“, но предупреди дека понатамошното олеснување на мерките може да биде одложено во случај на несоодветно однесување на граѓаните.

Италијанските власти во моментов предвидуваат укинување на забраната за патување меѓу регионите на 3 јуни. Истиот ден, Италија ќе ги отвори своите граници за туристите од земјите на Европската унија.

Италија бележи вкупно 32.785 смртни случаи поврзани со ковид-19, респираторното заболување предизвикано од новиот коронавирус и вкупно 229.858 случаи на зараза.

Легенда под Главна слика

Фото: ЕПА

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе