Коронавирус во САД

Истражување: Собирите на Трамп предизвикале над 30.000 случаи на зараза

Масовните предизборни собири на американскиот претседател Доналд Трамп довеле до повеќе од 30.000 потврдени случаи на ковид-19 и најверојатно предизвикале смрт на 700 Американци, се вели во новото истражување на Универзитетот Стенфорд.

Фото: ЕПА

Водачите на истражувањето објавено во петокот внимателно следеле 18 собири на Трамп меѓу јуни и септември и нивните посетители и до десет недели по собирот, пренесува агенцијата ДПА.

„Заедниците каде се одржаа собирите на Трамп платија висока цена во смисла на болест и смрт“, заклучија истражувачите.

Истражувањата покажаа дека стапката на ковид-19 често се зголемувала во заедниците кои биле домаќини на собири во споредба со блиските градови што Трамп не ги посетил.

„Постојат некои индикации дека почитувањето на здравствените упатства, како што е употребата на маски, се подобрило на подоцнежните митинзи“, напишаа истражувачите.

На собирите на Трамп, на посетителите им биле понудени маски и им била измерена температурата, но многумина не носеле маски.

Портпаролот на неговиот противкандидат Џо Бајден остро ги критикуваше Трамповите собири како места за „супер ширење“ на заразата каде што се прекршени сите здраворазумски здравствени правила.

На собирите на Бајден присуствувале многу помалку луѓе, сите носеле маски и држеле социјална дистанца.

Легенда под Главна слика

Фото: ЕПА

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе