Иранскиот танкер го напушта Гибралтар

Поморскиот посредник за иранскиот танкер, Ричард де ла Роза, кој беше приведен во Гибралтар, изјави дека бродот е подготвен да го напушти Гибралтар денес или утре, без оглед на обидите на САД да го фатат во последен момент.

Де ла Роза, директор на компанијата „Атрашип“, која ги средуваше документите за тој танкер на оваа британска прекуморска територија, рече дека може да исплови во следните 24 до 48 часа, односно кога новата посада, која е во Гибралтар, ќе ги преземе своите должности на бродот.

„Бродот минува низ некои логистички промени, кои го одложија неговото заминување“, рече тој за АП.

Неговата изјава дојде еден ден откако САД издадоа налог за задржување на танкерот поради прекршување на санкциите наметнати од САД кон Иран. Меѓутоа, не е јасно дали ова може да се заврши во рок од 24 часа, бидејќи властите на Гибралтар посочуваат дека секој таков налог мора да помине низ локални судски постапки.

Де ла Роза рече дека новата посада ја сочинуваат Индијци и Украинци, дека ги изнајмил индиски менаџер на бродот, кој сè уште не бил информиран за дестинацијата на која ќе се упати танкерот.

Танкерот, кој носи 2,1 милиони барели иранска сурова нафта, беше задржан околу еден месец во Гибралтар под обвинение дека наводно се обидува да ги прекрши санкциите воведени од ЕУ за Сирија.

Тoа предизвика тензии во односите Лондон-Техеран и доведе до иранско запленување британски танкер во Ормускиот премин.

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе