„Целта е да се отстрани товарот на санкциите“

Иранскиот претседател изрази спремност за соработка со Бајден

Иранскиот претседател Хасан Рохани вчера кажа дека е спремен да соработува со новоизбраниот американски претседател Џо Бајден.

EPA-EFE

„Целта ни е да го отстраниме товарот на американските санкции од грбот на иранскиот народ... таа цел е во согласност со националните интереси“, кажа Рохани во говор кој го пренесуваше националната телевизија.

Тој кажа дека Иран е спремен за преговори со Соединетите Американски Држави, под услов Бајден да се врати на нуклеарниот договор од 2015 година и да ги укине санкциите кои ги воведе претседателот Доналд Трамп.

„Мора да направиме сè за нашата земја и нашиот народ да ги вратиме во времето меѓу 2016 и 2017 година, по нуклеарниот договор и укинувањето на санкциите кога Иран доживуваше економски раст“, кажа Рохани.

Тој ги повика своите противници да не ги попречуваат овие цели. Иранските поддржувачи на потврда политика се противат на прозападната политика на Рохани и нуклеарниот договор и навиваа за победа на Трамп.

Советникот на иранскиот претседател Дјако Хосеини очекува Трамп да го искомплицира Бајденовото враќање на нуклеарниот договор со „саботажа“ пред да ја напушти функцијата.

„За да ги неутрализираме овие планови, треба да бидеме воздржани додека новата американска влада не ја преземе должноста во јануари и да не дозволиме да нè испровоцираат“, кажа Хосеини.

Трамп ги повлече САД од нуклеарниот договор во 2018 година, кој требаше да ја ограничи иранската нуклеарна програма и да спречи Иран да развие нуклеарно оружје, во замена за укинување на меѓународните санкции.

Тој му воведе и нови санкции на Иран, туркајќи ја земјата во најтешката економска криза во историјата, која ја влоши и пандемијата на коронавирусот.

Легенда под Главна слика

EPA-EFE

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе