„Освен ако не се случи американска агресија“

Иран: Завршивме

„Иран ја заврши одмаздата за убиството на генералот Касим Сулејмани и нема да презема нови воени активности, освен ако не се случи американска агресија“, рече иранскиот амбасадор во Обединетите нации Маџид Tахт-Раванчи.

„Нашата акција беше пропорционална на убиството на Касим Сулејмани. Нашата акција е завршена. Ако Американците не дејствуваат воено против Иран, што се однесува до нас, нема да напаѓаме“, одговори Taхт-Раванчи на прашањето на ТАСС за реакцијата на Техеран на изјавата на претседателот на САД, Доналд Трамп.

Трамп рече дека САД се подготвени за мир со Иран, но исто така најави и нови, построги санкции кон Техеран.

Иранскиот дипломат додаде дека Техеран дејствувал во согласност со членот 51 од Повелбата на ООН за правото на самоодбрана.

„Но ако решат да дејствуваат воено, Иран нема да има друг избор освен да одговори“, додаде тој.

Иран изврши ракетни напади врз две бази со американски трупи во Ирак како одговор на американското убиство на генералот на револуционерната гарда Касим Сулејмани.

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе