Иран уапси 17 шпиони поврзани со ЦИА, некои добија смртна казна

Иранските тајни служби открија ланец за шпионажа од 17 члена кој работел против земјата, според државните медиуми. Некои од агентите добија смртна казна, пренесе Ројтерс.

Државната телевизија го цитираше Министерството за разузнавање дека разбиле мрежа за разузнавање на ЦИА и уапсиле 17 осомничени. Официјален претставник на Министерството изјави дека некои од уапсените се осудени на смрт, објави полуофицијалната новинска агенција Фарс.

Ова соопштение доаѓа по тримесечната конфронтација со Западот, која започна кога нови построги американски санкции стапија на сила на почетокот на мај. Минатата недела Иран заплени британски танкер во Ормускиот теснец, откако британската Кралска морнарица заплени ирански танкер на брегот на Гибралтар на 4 јули.

„Идентификуваните разузнавачи беа вработени во чувствителни и витални центри од приватниот сектор од економска, нуклеарна, инфраструктурна, воена и сајбер област... каде што собирале класифицирани информации“, се вели во изјавата на министерството на државната телевизија.

Веднаш не е јасно дали апсењата се поврзани со случајот од јуни кога Иран објави дека открил голема мрежа на сајбер шпионажа за која тврди дека е раководена од ЦИА и дека како резултат на таа акција неколку американски шпиони биле уапсени во различни земји.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе