Според ирански воен претставник

Иран може да потопува американски воени бродови со „нови тајни оружја“

Иран може да ги потопува американските воени бродови испратени во регионот на Заливот, користејќи проектили и „тајни оружја“, рече висок претставник на иранската воена служба, пренесе денеска полуофицијалната новинска агенција Мизан.

САД во петокот објавија дека испраќаат 1.500 војници на Блискиот Исток, опишувајќи го тоа како обид за зајакнување на одбраната против Иран, откако ја обвинија иранската Револуционерна гарда за директна одговорност за нападите врз саудиските танкери месецов.

„Америка... испраќа два воени брода во регионот. Ако тие направат и најмала глупост, ние ќе ги испратиме овие бродови на дното на морето, заедно со нивниот екипаж и авиони, користејќи две ракети или две нови тајни оружја“, изјавил за Мизан генералот Мортеза Корбани, советник на воената команда на Иран.

Постапката на САД е најнова во низата акции на администрацијата на Трамп, која постојано истакнува дека гледа закана од потенцијален напад од Иран и го забрзува распоредувањето на борбена група на носач на авиони и бомбардери и дополнителни ракети Патриот на Блискиот Исток.

Западните експерти велат дека Иран често ги преувеличува своите оружени капацитети, иако се загрижени поради неговата ракетна програма и особено поради балистичките ракети со долг дострел, вели Ројтерс.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе