По наредба на Рохани

Иран ги напушта сите ограничувања на нуклеарните истражувања и развојот

Иранскиот претседател Хасан Рохани објави дека наредил напуштање на сите ограничувања во нуклеарното истражување и развојот на оваа технологија во земјата.

„На (иранската) организација за атомска енергија ѝ е наредено да ги преземе сите неопходни истражувања и чекори во развојот да ги напушти сите презмеени обврски во таа област“, кажа Рохани на државната телевизија.

Оваа мерка е преземена затоа што „не го постигнавме резултатот што го сакавме“ во контекст на актуелната дипломатска иницијатива на Франција да го зачува од пропаѓање нуклеарниот договор постигнат во 2015 година во Виена, кажа иранскиот претседател.

Тој ова го изјави претставувајќи ја „третата фаза“ на планот за намалување на иранските нуклеарни обврски.

Неговата изјава дојде непосредно откако американскиот претставник за Иран Брајан Хук ја отфрли идејата за „суспендирање“ на санкциите на САД против Техеран за да се овозможи кредитна линија од 15 милијарди долари за која е разговарано со европските потписници на нуклеарниот договор.

Иранските власти укажаа вчера дека се спремни повторно целосно да го применуваат нуклеарниот договор во замена за кредитна линија од околу 15 милијарди долари за која се преговара со Европејците а за чие постигнување крајниот рок е овој викенд.

Франција, Германија, Британија и Иран разговараат во последните неколку дена за тоа како да го спасат меѓународниот договор од Виена, кој беше доведен во прашање откако САД еднострано се повлекоа од него во 2018 година.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе