Иран целосно преземен од тврдите конзервативци: „Подготвени сме за секое воено сценарио“

Ебрахим Раиси денеска официјално ја презеде должноста на нов ирански претседател, објавија иранските медиуми, со што сите три гранки на власта се во рацете на тврдите конзервативци, пренесуваат агенциите.

Фото: ЕПА

Раиси е политички непознат бидејќи повеќе од три децении работел во судството, на чие чело бил назначен во 2019 година.

Како јавен обвинител, тој е одговорен за егзекуции на многу политички неистомисленици, а во последните години остро го критикуваше умерениот ирански претседател Хасан Рохани, вклучително и неговата работа на иранскиот нуклеарен договор.

Не е познато како неговиот избор ќе влијае врз обидите за обновување на тој документ од 2015 година од кој САД се повлекоа и повторно воведоа санкции што ја опустошија иранската економија.

Иран и шест светски сили од април преговараат за заживување на договорот, но иранските и западните претставници рекоа дека има „значителни проблеми“.

Раиси во вторникот рече дека неговата влада ќе преземе одредени чекори за укинување на „тиранските“ санкции и ќе се обиде да ги подобри условите за живот на сите погодени со нив.

Раиси ја презеде функцијата во време на зголемени тензии во регионот. Лидерот на иранската Револуционерна гарда во четвртокот го предупреди светот дека Иран е подготвен за „секое воено сценарио“.

Генералот Хосеин Салами ги предупреди Израел и Западот да не се обидуваат да го заплашат Иран.

„Оние што ни се закануваат треба да бидат свесни за опасните последици од својата реторика и да внимаваат што зборуваат“, рече тој.

Легенда под Главна слика

Фото: ЕПА

Дали и колку градовите им служат на интересите на своите граѓани (демократија) или на елитите кај кои се концентрира капиталот (авторитарност)?

повеќе

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе