Индонезија им враќа 142 контејнери полни со ѓубре на развиените земји

Индонезија ќе врати 142 контејнери полни со ѓубре во Австралија и други развиени земји откако било откриено дека во пратките има токсични материјали, објави денес индонезиската царина.

Одлуката следи по истрагата на над 250 контејнери полни со главно пластичен отпад кои ги увезле три компании.

„Три компании увезле пластичен отпад помешан со токсични и опасни материјали“, се наведува во соопштението.

Најмалку 100 контејнери ќе бидат вратени во Австралија, а другите земји од кои се увезени забранетите материјали се САД, Британија и Шпанија.

Индонезија годинава веќе брати 195 контејнери пластичен отпад измешан со забранети материјали во земјите од кои дошле. Во постапка за враќање се уште 62 контејнери во рамки на таа истрага.

Големи количества пластичен отпад од индустриски развиените земји се испраќаат во Индонезија и други земји во југоисточна Азија откако Кина минатата година го прекина увозот на отпад од странство за да го намали загадувањето.

Но, сега и земјите како Индонезија, Малезија и Филипини порачуваат дека не сакаат да станат светски депонии.

Визија на развиениот свет е државните авторитети да го гледаат спортот како средство за подобар економски и социјален развој.

повеќе

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе