Индија премина 250 илјади починати од коронавирус

Индија објави дека рекорден број луѓе починале од коронавирус во последните 24 часа, со што вкупниот број на починати достигнал четвртина милион, додека водечки виролог рече дека е прерано да се каже дали инфекциите го достигнале врвот.

Фото: ЕПА

Бројот на починати од ковид-19 се зголеми за 4.205, додека дневниот број на заразени се зголеми за 348.421, а вкупниот број на случаи регистрирани во Индија надмина 23 милиони, според податоци од министерството за здравство. Експертите сметаат дека официјалните податоци во голема мера го потценуваат реалното ниво на ефектите на епидемијата и дека реалниот број на починати и заразени мора да биде пет пати поголем.

Кривата на зараза во Индија може да покаже рани знаци на израмнување, но опаѓањето на бројот на новозаразени веројатно ќе биде бавно, рече Шахид Џамил, главен виролог во Индија.

„Прерано е да се каже дали го достигнавме врвот“, цитиран е во весникот Индијан експрес. „Постојат некои индикации дека случаите се стабилизираат. Но, не смееме да заборавиме дека ова е многу високо плато. Се чини дека запревме на околу 400.000 случаи на ден“.

Во Индија, со население од 1,4 милијарди луѓе, се наоѓа еден од три пријавени смртни случаи од коронавирус ширум светот, според податоците на Ројтерс. Медицинскиот персонал е исцрпен, а болниците се пренатрупани, како и мртовечниците и крематориумите. Залихите на лекови и медицински кислород се ниски.

Бруталниот втор бран на зараза со ковид-19 се прошири од градовите во малите градови и селата, уништувајќи го слабиот здравствен систем лошо опремен за кризи од вакви размери.

И во руралните делови на Индија исто така им недостасува дрво за традиционалните хиндуистички кремирања, а голем број мртви тела се наоѓаат на бреговите на Ганг што тече низ најнаселените области на северните рамнини.

Легенда под Главна слика

Фото: ЕПА

Алчноста за максимизирање на површината на градење ја помина „црвената линија“. Градот полека ја сече гранката на која седи.

повеќе

Пристигна барањето од етничкиот албански фактор во политиката за тоа да има промена во химната, знамето и грбот на државата.

повеќе

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе