Има ли врска труењето на двојниот руски шпион во Британија со Бугарија?

Бугарија истражува можна поврзаност на нападот со нервен отров од 2018 врз поранешниот руски шпион во Англија со труење на трговец со оружје во Софија во 2015 година.

Бугарскиот јавен обвинител Сотир Цацаров изјави денес дека Сергеј Федотов, осомничениотт за обидот за убиство на поранешниот руски шпион Сергеј Скрипаљ во Англија, три пати ја посетил Бугарија во 2015, од кои еднаш во април кога бил отруен локалниот трговец со оружје Емилијан Гебрев.

Во октомври рускиот информативен портал Фонтанка објави дека Федотов, агент на руската воена разуанавачка служба ГРУ, е третиот осомничен во случајот Скрипаљ.

Инспекторите собрале „важни докази“ за престојот на Федотов во Бугарија во рамки на истрагата за труењето на Емилијан Гебрев, кажа Цацаров.

„Ги бележиме сите податоци за неговиот престој на бугарски тло, хотелите, возилата што ги користел, контактите со бугарски граѓани“, кажа тој.

Скрипаљ и неговата ќерка Јулија беа најдени онесвестени во англискиот град Салзбери во март 2018 на клупа во парк. Британските служби објавија дека тие биле отруени со „новичок“, нервен отров развиен во времето на Советскиот Сојуз, а одговорноста за нападот им ја препишаа на двајца Руси, агенти на ГРУ кои во тоа време биле во Салзбери.

Официјална Москва ги отфрла обвинувањата за труењето на таткото и ќерката Скрипаљ кои се опоравија од нападот, но на повредите им подлегна 44-годишната државјанка Дон Стурџис која нашла шишенце од парфем со отровна содржина.

Амбасадорката на Британија во Софија, Ема Хопкинс, кажа дека Британија „продолжува тесно да соработува“ со бугарските власти.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе