Илјадници Полјаци протестираат поради смртта на трудница: „Законот против абортус убива“ (ВИДЕО)

Илјадници луѓе се собраа викендов во градовите низ Полска за да протестираат против строгите правила за прекин на бременоста, откако смрт на трудница повторно ја отвори јавната дебата за тоа прашање.

EPA-EFE

Пресудата на полскиот уставен суд дека абортусот врз основа на деформација на плодот не е во согласност со уставот стапи на сила во јануари, по што дојде до речиси целосна забрана на абортусот и големи протести.

Луѓето кои носеа свеќи и транспаренти на кои пишуваше „Ниедна повеќе“ и „Индиферентноста е соучесништво“ маршираа низ десетина градови синоќа, вклучувајќи го Пшчин на југот на Полска, каде живеела починатата жена.

Активистите тврдат дека смртта на 30-годишната Изабела во 22 недела од бременоста е токму резултат на таа пресуда. Семејството вели дека трудницата умрела од септичен шок.

Изабела во септември отишла во болница во Пшчин откако ѝ пукнал воденикот, раскажа семејството. И претходен ултразвук покажувал повеќе деформации на фетусот. Меѓутоа, лекарите одбиле да ја прекинат бременоста сè додека чукало срцето на фетусот.

Кога се покажало дека отчукувањата на неговото срце прекинале, лекарите решиле на Изабела да ѝ направат царски рез. Адвокатката на семејството, Јоланта Буџовска, кажа дека срцето на Изабела сопрело на пат кон операциската сала и дека умрела без оглед на обидите за реанимација.

„И нејзиното срце чукаше“, гласи еден од слоганите на протестите.

„Законот против абортус во Полска ги убива Полјачките. Тоа е сурово, тоа е страшно“, кажа една жена на протестот во Пшчин. „Тоа е нехумано и се надевам дека оваа ситуација на некој начин ќе придонесе за тоа Полјачките да не мора повеќе да умираат“.

Владата соопшти дека не е одлуката на судот виновна за смртта на младата жена“, туку лекарска грешка.

Министерот за здравство Адам Њеџелски вети дека ќе издаде насоки како на најјасен начин да се утврди дали абортусот е легален.

Легенда под Главна слика

EPA-EFE

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе