Илјадници на улиците Белорусија со порака до Лукашенко: Исчезни! (ВИДЕО)

Белоруската полиција уапси повеќе од 300 учесници на масовните демонстрации со кои се бара повлекување од власта на долгогодишниот авторитарен претседател Александар Лукашенко.

EPA-EFE

На улиците повторно излегоа илјадници демонстранти кои се собраа во помали групи низ Минск, што е нова тактика на противниците на власта кои на тој начин сакаат да ѝ ја отежнат работата на полицијата.

Полицијата на Минск соопшти дека уапсила над 300 луѓе, додека групата за заштита на човековите права Весна (пролет) ги објави имињата на 189 приведени лица во Минск и другите поголеми градови.

Демонстрантите носеа транспаренти на кои меѓу другото пишуваше „Дај им на Белорусите подарок: Исчезни!“, порака упатена до Лукашенко.

Тие извикуваа „Веруваме! Можеме! Ќе победиме!“

Полицијата денес во Минск по улиците патролирала со необележани возила за да ги идентификува демонстрантите.

Пред почетокот на протестите, полицијата утринава поставила водени топови во центарот на градот и го блокирала приодот до главните плоштади, метро станиците и државните институции.

Пристапот до мобилен интернет е ограничен низ земјата.

Белорусија ја тресе политичка криза од претседателските избори на 9 август, кога низ земјата почнаа масовните антивладини протести, иницирани од официјалните резултати од гласањето според кои Лукашенко освои над 80 отсто од гласовите. Противниците на Лукашенко тврдат дека изборите се украдени.

И покрај обидите на власта да ги задуши демонстрациите со апсења и репресии над демонстрантите и активистите, масовните протести не сопираат ни по повеќе од три и пол месеци.

Најмасовните протести се одржуваат во недела кога на улиците излегуваат десетици илјади демонстранти, а во една од тие недели имаше 200.000 луѓе.

Од почетокот на демонстрациите во август, најмалку четири лица беа убиени или на протестите или по апсењето. Уапсени се над 20.000 демонстранти, од кои, според групите за заштита на човековите права, илјадници се претепани.

Легенда под Главна слика

EPA-EFE

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе