Русија ја почна инвазијата на Украина на 24 февруари и неколку дена подоцна ја презеде контролата врз нуклеарната централа Чернобил, каде што во 1986 година се случи најлошата нуклеарна катастрофа во историјата.Рафаел Гроси, шефот на ИАЕА, изјави дека е прекинат преносот на податоците од системот за контрола на гаранциите, поставен во седиштето во Чернобил, соопшти агенцијата.Повеќе од 200 техничари и чувари се заробени во централата и по руското освојување работат непрекинато 13 дена. ИАЕА побара од Русија да им дозволи да вршат ротации бидејќи одморот и фиксното работно време се неопходни за безбедноста на еден таков објект.„Многу сум загрижен за тешката и стресна ситуација во која се наоѓа персоналот на нуклеарната централа во Чернобил и за потенцијалните ризици што таа ги носи за нуклеарната безбедност“, предупреди Гроси.Бидејќи е прекинат преносот на податоци на далечина и украинското регулаторно тело може да контактира со фабриката само преку имејл, Гроси ја повтори својата понуда да отиде на лице место, или на некое друго место, за да добие потврда од сите страни дека ќе ја осигури безбедноста на украинските нуклеарни централи.Руската војска во петокот ја презеде контролата и врз нуклеарната централа Запорожје во југоисточна Украина, каде што нападите од нејзината артилерија, според Украинците, предизвикале пожар. Москва негира дека го предизвикала пожарот, кој бил во помошните простории, а не во близина на реакторот, но ги зголеми стравувањата дека може да се случи нова нуклеарна катастрофа.Руската новинска агенција РИА новости денеска објави видео со член на руската национална гарда пред централата во Запорожје, во кое тој вели московските сили целосно ја контролираат локацијата.„Централата сега функционира нормално. Раководството на централата ги извршува своите функции. Ситуацијата е целосно под контрола на руската национална гарда“, рече тој и ја обвини Украина дека складира оружје во објектот.„Во близина на реакторите на централата е пронајдено големо количество оружје и муниција, вклучително и тешко оружје“, рече тој.Запорожје е најголемата нуклеарна централа во Европа. Неговите реактори беа ставени во функција помеѓу 1984 и 1995 година. Тие се модерни во споредба со Чернобил, првата електрана изградена во земјата во 1970-тите, каде што реакторите беа многу помалку безбедни.