По големиот притисок

И Рено го прекина производството во Русија

Францускиот производител на автомобили Рено објави дека го прекинува производството во Русија поради нападот врз Украина, додавајќи дека ги разгледува и опциите за удел во рускиот производител на автомобили Автоваз.

Фото: ЕПА

Рено меѓу западните производители на автомобили е најзависно од рускиот пазар и беше под силен притисок поради тоа што продолжи да соработува со Русија и по руската инвазија на Украина.

Украинскиот претседател Володимир Зеленски своевремено ја обвини француската компанија за финансирање на војната, велејќи дека таа мора, заедно со другите француски компании, да престане да „финансира убиства на жени и деца“.

Украинскиот министер за надворешни работи Дмитро Кулеба повика на глобален бојкот на Рено. Компанијата во соопштението во средата рече дека „веќе спроведува мерки што се неопходни за усогласување со санкциите против Русија“.

Во средата тие го прекинаа и производството во фабриката во Москва, додавајќи дека ги разгледуваат опциите за удел во Автоваз, „земајќи ја предвид моменталната средина и во исто време покажувајќи одговорност кон своите 45.000 работници во Русија“.

Вредноста на имотот на кој ќе влијае прекинот на производството во фабриката во Москва се планира да биде објавена во деловните резултати во првата половина од годинава. Минатата година изнесуваше 2,2 милијарди евра, велат тие.

Групацијата во средата ја намали прогнозата за оперативната маржа оваа година од четири на три проценти.

Француската држава поседува 15,01 отсто од акциите во Рено и досега постојано истакнуваше дека компаниите сами одлучуваат за иднината на бизнисот во Русија, под услов да ги почитуваат санкциите.

Легенда под Главна слика

Фото: ЕПА

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе