И Бугарија го потпиша договорот со САД за „безбедноста“ на 5Г мрежата: стоп за кинеските компании

Бугарија потпиша договор со Соединетите Американски Држави за безбедноста на бежичната мрежа 5Г, кој треба да обезбеди во неа да не учествуваат кинески компании.

EPA-EFE

Договорот наречен „Чиста мрежа“ вчера со САД во Скопје го потпишаа и Македонија и Косово.

Амбасадата на САД во Софија наведе дека Бугарија „се придружува на сѐ поголемата коалиција земји и компании кои се обврзаа да ги заштитат своите 5Г мрежи од небезбедни добавувачи“.

Американскиот државен потсекретар за економски раст Кит Креч кажа на вчерашната церемонија на потпишување со Бугарија дека договорот е од клучна важност за државната безбедност, економскиот просперитет и стабилноста на регионот.

Договорот е дел од обидите на администрацијата на претседателот на САД Доналд Трамп од поставувањето 5Г мрежа да ги исклучи технолошкиот гигант Хуавеј и други кинески компании.

Американски државни функционери низ Европа и светот водат кампања против вклучување на Хуавеј кого Вашингтон го смета за закана за државната безбедност на САД и тврди дека таа компанија својата технологија ја користи за шпионирање на сметка на владата на Кина.

Пекинг тоа го негира и тврди дека Американците водат кампања против Хуавеј од економски причини.

Легенда под Главна слика

EPA-EFE

Каракачанов: На Бугаринот паметот му доаѓа следниот ден...

повеќе

При еден спор, понижувањето не е добро ниту за победникот, ниту за поразениот; ниту за „победникот“, ниту за „поразениот“.

повеќе

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе