Се урнал половина час по полетувањето

Хрватска: Воен хеликоптер се урна во морето во близина на Шибеник (ВИДЕО)

Во близина на малиот хрватски остров Зларин, во близина на Шибеник, во морето се урна воен хеликоптер, јавуваат хрватските медиуми.

„Ве информираме дека во оперативното дежурство на полициската управа во 11:06 часот е примена дојава дека меѓу Заблаќ и Зларин во морето се урна воен хеликоптер“, соопшти хрватската полиција.

Веднаш по дојавата на местото на несреќата биле испратени два брода на поморската полиција, а за настанот биле информирани сите служби – пристанишната капетанија, итната служба, пожарникарите и сите надлежни служби“, соопшти полицијата.

Како што пишува порталот Шибеник.ин, од морето е извлечено телото на едниот пилот, додека по другиот се трага. Хрватската војска потврди дека хеликоптерот кој падна во морето е нивна сопственост, и дека едниот пилот загинал во уривањето.

Станува збор за хеликоптер од типот киова ОХ-58Д, а несреќата се случила за време на тренажен лет.

Хеликоптерот паднал во морето половина час по полетувањето.

Станува збор за хеликоптери кои хрватската војска неодамна ги доби на подарок од САД. 16-те хеликоптери беа донирани во 2015 година бидејќи во САД биле прогласени за воен вишок, наведуваат хрватските медиуми.

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе