Хрватска купува два борбени хеликоптери „блекхок“, а два добива на подарок

Хрватската влада на вчерашна седница му даде согласност на министерството за одбрана за набавка и опремување на хрватската војска со четири борбени хеликоптери УХ-60М „блекхок“.

Два хеликоптери ќе бидат донирани а два купени, а сѐ ќе биде реализирано од 2021 до 2026 година, во партнерство со американската влада.

На Хрватска САД ќе ѝ донираат два хеликоптери со соодветна опрема и делови. Освен тоа, Хрватска од Америка ќе купи уште два идентични хеликоптери, а со партнерството е опфатена и обука на пилоти и персонал на земја како и логистичка поддршка.

Одборот за одбрана на хрватското собрание на 2 декември даде позитивно мислење околу прифаќањето на наведената донација, процесот на набавка на логистичката поддршка и обуката, како и купувањето на два нови хеликоптери УХ-60М „блекхок“.

Од вкупната вредност на хеликоптерите, која изнесува 1,167 милијарди куни (околу 157 милиони евра), вредноста на донацијата е 360,64 милиони куни (речиси 50 милиони евра) и во целост ја подмируваат САД, а останатиот износ од вкупно 807,23 милиони куни се обезбедува од буџетот во периодот од 2021 до 2026 година.

„Хеликоптерот „блекхок“ е моќно сретство кое би ни служело за исполнување на сите три мисии на хрватската војска – заштитата на суверенитетот и територијалниот интегритет, учеството во меѓународните мисии и операциите и помошта на цивилните институции и другите тела“, истакна хрватскиот вицепремиер и министер за одбрана Дамир Крстичевиќ.

Една од особеностите на словенската јазична група е дека нема случај два народи да зборуваат еден ист јазик или барем тоа да е официјално признаено.

повеќе

Оваа администрација нема намера Скопје во догледна иднина да стане одржлив зелен град и тоа е јасно одразено во буџетот за 2020 година.

повеќе