Во Нигерија

Хрват, Словенец и Босанец членови на посадата на бродот што го киднапираа пирати

Државјани на Хрватска, Словенија и на БиХ се меѓу 12-те члена на посадата на швајцарскиот товарен брод што го грабнаа нигериски пирати.

Швајцарската бродска компанија „Масоел“ го потврди нападот на нејзиниот товарен брод „Гларус“ во нигериските води.

Бродот превезувал пченица од Лагос до Порт Харкурт.

Пиратите се качиле на долги скали и ја пресекле жицата на палубата, јави АФП.

Потоа уништиле поголем дел од комуникациската опрема на бродот и ги грабнале 12-те члена на посадата.

На бродот имало седум Филипинци и по еден државјанин на Хрватска, Словенија, БиХ, Украина и на Романија, објави нигериската агенција за поморска управа и безбедност (НМАСА), пренесе Би-би-си.

„Тие сè уште се сметаат за исчезнати“, кажа раководителот на НМАСА, Сандаеј Уморен.

Од швајцарската компанија велат дека ги известиле семејствата на грабнатите.

„Компанијата соработува со властите и со специјалистите за да обезбеди брзо и безбедно ослободување на заложниците“, се наведува во соопштението. 

Од една страна, Уставот му доделува бројни функции, а од друга страна, скржаво ги определува средствата за нивно остварување на практичен план.

повеќе

Напредокот и оптимизмот што ги обележаа децениите по 2. Светска војна се гледаа во создавањето на средната класа, составена од луѓе што, иако родени во куќи со земјени подови, завршија со факултетски дипломи и добри работни места во големите градови. Поседуваа автомобили и викендички, летуваа на море и патуваа во странство без визи.

повеќе

Најголемиот предизвик на секоја земја е развојот и одржувањето на здрава популација.

повеќе