Храбри Авганистанки излегоа на улица, бараат право на работа и студирање (ВИДЕО)

Група од 20 Авганистанки уште еднаш се осмелија да излезат на улиците во Кабул барајќи право да работат и студираат во услови на сè помрачна перспектива што им ја пружа талибанскиот исламистички авторитаризам.

Screenshot

Видеата споделени од локалните медиуми покажуваат група од околу 20 активистки за женските права собрани пред поранешното Министерство за женски работи во главниот град на Авганистан, Кабул и таму гласно и храбро бараа почитување на женските и човековите права.

Талибанците неодамна го укинаа Министерството за женски работи и го заменија со Министерство за повик, насоки и промоција на доблести и спречување пороци. Така, новоформираното министерство стана седиште на верската морална полиција, чија улога е да го зајакне наметнатото однесување во јавноста и придржување до строгиот талибански начин на толкување на исламот.

Под режимот на талибанците во 1990-тите, верската полиција била извор на страв и трепет во Авганистан, бидејќи јавно тепала и удирала жени кои се осмелиле да излезат без да го покријат телото и лицето.

Засега, талибанците им забранија на девојките да посетуваат настава во средно училиште и им дадоа инструкции на универзитетите дека момчињата и девојчињата повеќе не треба да посетуваат предавања во исто време.

Во принцип, многу малку открија за слободите што имаат намера да им ги дадат на Авганистанките. Откако талибанците дојдоа на власт, авганистанските жени одржаа неколкудневни протести низ целата земја, барајќи тврдокорните исламисти да ги почитуваат нивните човекови права. Но, протестите беа насилно задушени. Протестот во неделата во Кабул помина без инциденти.

Легенда под Главна слика

Screenshot

Продолжува активноста на копачите, крановите и мешалките за цемент додека самите Албанци се протерувани од градот. 

повеќе

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе