Пронајдени импровизирани простории

Холандската полиција откри семејство што со години живеело затворено на фарма, го чекале крајот на светот (ВИДЕО)

Холандската полиција, реагирајќи на дојава, открила шест млади возрасни лица и нивниот татко заклучени во тајна просторија на изолирана фарма, соопштија властите.

Шест лица на возраст од 18 до 25 години и нивниот болен татко биле најдени во близина на Руинерволд, село на северот на покраината Дренте, соопшти градоначалникот Роџер де Грут. Тие немале контакт со надворешниот свет девет години.

Де Грут кажа дека 58-годишен маж, кој не е татко на децата, бил уапсен на фармата. Неговата улога не е разјаснета, пренесува Ројтерс.

„Колку што знам јас, мајка им умре пред тие да дојдат тука. Полицијата откри импровизирани простории во кои семејството тајно живеело“, кажа тој.

Семејството, кое според пишувањето на локалните медиуми го чекало крајот на светот, било откриено откако еден член избегал и

побарал помош во блиска кафеана.

Еден вработен во локалот изјави за РТВ Дренте дека влегол еден член од семејството, 25-годишен маж кој изгледал запуштено, и кажал дека не бил надвор девет години. „Се гледаше дека не знае кој и што прави“, кажа сопственикот на локалот Крис Вестербик. „Кажа дека избегал и дека му е итно потребна помош“.

Градоначалникот кажа дека сите членови на семејството, вклучувајќи го таткото кој е неподвижен по мозочен удар, се хоспитализирани на тајна локација. „Јасно ми е дека има многу прашања. Полицијата ги истражува сите можни сценарија“, кажа Де Грут.

Членовите на семејството живееле во тајна просторија и преживеале хранејќи се со зеленчук и месо од животни кои ги одгледувале во зафрлена бавча, јавуваат медиумите.

 

Социјалниот маркетинг веднаш би можел ефективно да придонесе во напорите против нееколошкото однесување во нашата земја.

повеќе

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе