Холандија и Австралија ѝ се закануваат на Русија со тужба поради падот на авионот при што загинаа 298 луѓе

Холандија и Австралија ја сметаат Русија одговорна за падот на патничкиот авион на Малезија ерлајнс, кој во 2014 е погоден со ракета над Украина, соопшти денес холандската влада, зголемувајќи ја можноста за подигање судски тужби.

Поголемиот број од 298 жртви се државјани на двете земји и тие ја „ сметаат Русија за одговорна за учество во рушењето“ на авионот Малезија ерлајнс, наведе холандската влада.

Австралиската министерка за надворешни работи, Џули Бишоп, исто така, официјално го повтори обвинувањето.

Двете земји сега можат да го достават овој комплексен случај до некоја меѓународна организација или суд, додава истиот извор.

Оваа изјава следи по објавувањето на заклучоците на меѓународните истражувачи кои утврдија дека ракетата Бук со која е погоден авионот е лансиран од 53 противвоздушна бригада стационирана во Курск.

„Врз основа на заклучоците на меѓународните истражители, Холандија и Австралија можам со сигурност да кажам дека Русија е одговорна за поставувањето на ракетните системи Бук со кои е погоден авионот“, истакна холандскиот министер за надворешни работи Стеф Блок.

„Владата ќе работи на тоа Русија официјално да ја прогласи за одговорна“, додаде тој. „Холандија и Австралија се одлучија за легално делување“, се вели во соопштението на владата. Во изјавата на холандската влада се вели дека следниот можен чекор е да се изнесе случајот до меѓународниот суд.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе