Харадинај за царините: За првпат губењето време ја чини Србија

Косовскиот премиер Рамуш Харадинај истакна дека со царините била создадена ситуација со одолговлекувањето на постигнувањето договор да губат двете страни.

„За првпат губењето време ја чини Србија“, истакна Харадинај во Приштина, на прашањето дали царините ќе останат на сила сѐ додека Белград не ја признае независноста на Косово.

Тој царините ги објасни со тврдење дека Белград наводно две децении го блокирал увозот на стока од Косово.

„Ние со царините се браниме“, истакна косовскиот премиер, додавајќи дека неговата влада е заинтерсирана ситуацијата да се надмине. Според него, Приштина сака конечно решение на односите со Белград, а тоа за него „значи признавање од страна на Србија“.

Харадинај, на констатацијата дека мерките ја зголемиле популарноста на неговата партија, кажа дека тоа е „поедноставено прикажување на нештата“.

„Верувам дека уште годинава ќе ја добиеме визната либерализација“, им кажа тој на австриски новинари, истакнувајќи дека се сретнал со холандскиот премиер Марк Руте во Њујорк и дека смета дека Холандија нема да го блокира укинувањето на визите, исто како и Франција.

Косовскиот премиер не ја исклучи можноста најавениот самит во Париз на 1 јули да не биде одржан, но тврди дека тоа нема да биде по вина на Приштина, туку на Белград, бидејќи го условува продолжувањето на дијалогот.

Ставот на Белград е дека нема дијалог без укинување на царините на Приштина.

Харадинај истакна и дека поради Париз нема да направи никаков компромис на штета на Косово.

„Ние не го водиме состанокот во Париз, и не можеме да гарантираме ништо за тоа. Јас сум одговорен за позицијата на Косово, но не ја свикав средбата. Претседателот (на Франција Емануел) Макрон решава за тоа“, кажа Харадинај.

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе