Харадинај мисли дека Рама има поважна работа од тоа да посредува меѓу Грција и Турција – да лобира за Косово

Поранешниот косовски премиер Рамуш Харадинај му порача на албанскиот премиер Еди Рама дека би можел да работи на нови признавања на Косово.

EPA-EFE

Харадинај му порача дека тоа би можел да го прави наместо да посредува во решавањето на проблемите меѓу Грција и Турција.

Лидерот на Алијанса за иднина на Косово ова го кажа за каналот Орањуз на Јутјуб и истакна дека би било подобро Рама да работи на тоа Атина да ја признае независноста на Косово, бидејќи Грција е една од земјите кои не го направиле тоа, пренесуваат албанските медиуми.

И претходно постоеја несогласувања меѓу Рама и Харадинај, а албанскиот премиер дури поднесе тужба за клевета против Харадинај.