Хаос во Иран поради смртта на Махса Амини, во протестите загинаа повеќе од 30 луѓе (ФОТО+ВИДЕО)

Најмалку 31 цивил е убиен од почетокот на протестите во Иран, предизвикани од смртта на 22-годишна жена, откако беше уапсена од моралната полиција, објави денеска организацијата Хјуман рајтс Иран (ИХР) со седиште во Осло.

Фото: ЕПА

„Иранскиот народ излезе на улиците да се бори за своите основни права и човечко достоинство, а властите на овие мирни протести одговорија со куршуми“, рече директорот на ИХР Махмуд Амири-Могадам по шестдневните демонстрации.

Моќната иранска Револуционерна гарда го повика судството во земјата да ги осуди оние што шират лажни вести и гласини за 22-годишната Махса Амини.

„Побаравме од судството да ги идентификува оние кои шират лажни вести и гласини на социјалните мрежи, како и оние на улица кои ја загрозуваат психолошката безбедност на општеството, кон кои треба одлучно да делуваме“, соопшти гардата, изразувајќи сочувство до семејството на Амини.

22-годишната девојка почина во притвор откако беше уапсена минатата недела од полицијата за морал поради наводно непочитување на правилото за носење хиџаб. Очевидци тврдат дека полицијата ја однела во возило и ја тепала.

Демонстрантите во Техеран и другите ирански градови запалија полициски станици и возила претходно во четвртокот, а протестите не покажуваат знаци на стивнување. Во петокот, пак, беа најавени собири за поддршка на конзервативните ирански власти, јавуваат локалните медиуми.

Протестите поради смртта на Амини се најголеми во Иран од 2019 година. Тие се најмногу концентрирани во курдскиот северозапад од земјата, но се проширија во главниот град и најмалку 50 градови низ земјата.

Легенда под Главна слика

Фото: ЕПА

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе