Откако талибанците го зазедоа главниот град

Хаос на аеродромот во Кабул, американски војници пукаат, луѓе навалија на авионите (ВИДЕО)

Американските сили денеска пукаа во воздух на аеродромот во Кабул за да спречат стотици луѓе да излезат на пистата, изјави американски функционер.

Фото: скриншот

„Толпата беше надвор од контрола“, рекол извор за Ројтерс. „Се пукаше само за да се намали хаосот“.

Стотици Авганистанци го закрчија аеродромот обидувајќи се да се качат во воените авиони за да излезат од земјата откако талибанците во неделата влегоа во Кабул.

Аеродромот е контролиран од американски војници што помагаат во евакуацијата на персоналот на амбасадата.

На социјалните мрежи се појави цела серија снимки од аеродромот.

„Ова е Сајгон на стероиди“, напиша Стефан Симанаовиц од Амнести интернешенел, кој и ги објави снимките.

„Предоцна е да се одлета“, ги цитира Симановиц зборовите на човек што со години работел за западните организации. Но неговата виза за Обединетото Кралство е одбиена. Тој и неговата сопруга, пишува Симановиц, сега се кријат во Кабул.

И додека на аеродромот владеат турканици и хаос додека стотици цивили се обидуваат да ја напуштат земјата заедно со странските државјани, улиците на Кабул осамнаа пусти во понеделникот наутро.

Зградите и канцелариите се празни, а делот од градот каде што беа сместени дипломатските претставништва е целосно испразнет.

Во дводецениската војна во Авганистан загинаа 2.448 американски војници, 3.846 изведувачи и 1.144 сојузници, потоа 444 хуманитарци, 72 новинари, 66.000 авганистански војници и полицајци и 47.245 цивили, како и 51.191 талибанец и бунтовник, според проектот Цената на војната на универзитетот Браун, кој ги објави податоците до април 2021.

Легенда под Главна слика

Фото: скриншот

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе