ФСБ

Хакирана руската тајна агенција: „Најголемо пробивање податоци во нејзината историја“

Црвени лица во Москва викендов, по веста дека хакери успешно нападнале изведувач на ФСБ - руската Федерална служба за безбедност.

Сајтек, хакнатата компанија, работела на истражувачки проекти за ФСБ, а хакерите украле информации за внатрешни проекти на кои компанијата работела од името на агенцијата.

Хакирањето се случило минатиот викенд, а хакерите успеале да украдат 7,5 терабајти податоци, изложувајќи тајни проекти на ФСБ за деанонимизирање на пребарувачот Тор и помош за државата да го оддели својот интернет од остатокот на светот. Податоците им се предадени на водечките медиуми за да ги објават.

ФСБ е главната безбедносна агенција на Русија, пандан на ФБИ и МИ5, но нејзината надлежност се протега надвор од домашните разузнавачки служби и вклучува електронски надзор во прекуокеанските земји и значаен надзор во собирањето разузнавачки информации. Таа е главен наследник на злогласната КГБ, а му одговара директно на рускиот претседател.

Пред една недела, на 13 јули, хакери под името 0v1ru$ наводно пробиле во Сајтек, главен изведувач на ФСБ, кој работи на голем број интернет-проекти. По крадењето на податоците, 0v1ru$ поставиле насмеано Јоба-лице на почетната страница на Сајтек заедно со слики што наводно укажуваат на хакирањето. 0v1ru$ потоа ѝ ги предало податоците на поголемата хакерска група Диџитал револушн, која ги споделила со разни медиуми и на Твитер ја задеваше ФСБ дека агенцијата би требало една од своите хакнати активности да преименува во „Проект Цедалка“.

Диџитал револушн и претходно ја има напаѓано ФСБ. Не е познато колку се поврзани двете хакерски групи.

Би-би-си Русија ја објави веста дека 0v1ru$ ги пробиле серверите на Сајтек, ги сподели деталите за спорните сајбер-проекти и рече дека ова е можеби „најголемиот пробив во податоците во историјата на руските разузнавачки служби“.

Би-би-си тврди дека не се откриени вистински државни тајни.

Нема ништо ново во изложените проекти, сè беше познато или очекувано, вели и Форбс. Позначајна вест е фактот за самиот акт на хакирање, неговиот обем и очигледната леснотија. Изведувачите остануваат слаба алка во синџирот на разузнавачките агенции низ целиот свет - впрочем, токму минатата недела поранешен изведувач на НСА беше затворен во САД зашто крадел тајни цели две децении. А последиците од Едвард Сноуден ги гледаме до денес.

Диџитал револушн ги пренела информациите до новинарите неизменети - рекоа тие. Не се знае ништо за 0v1ru$ и групата не излезе со никаков коментар.

Ниту, очекувано, ФСБ.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе